© Copyright Erinnerungswerkstatt Norderstedt (2006) http://www.ewnor.de
Ausdruck nur als Leseprobe zum persönlichen Gebrauch, weitergehende Nutzung oder Weitergabe in jeglicher Form nur mit schrftl. Einverständnis der Urheber!
Diese Seite anzeigen im

Silvester un Ossenogen

Dat höört tohoop in uns Familje. Weest du nich wat Ossenogen sind? Denn kennst du ok keen Ossenogenpann, denn de bruukst du dorto. Ik heff twee. Een ganz oole von mien Modder. De is ut Gussiesen un hett twee Henkel un de söben Löcker sind emalleert. In disse Pann hett mien Modder de Ossenogen backt noch op den Füürherd. Man kunn de Ringe von Herd affnemmen un direkt över dat Füür backen aver dat güng ok boben op de Ringe, denn wöör de Pann nich vull Russ, aver dat duer veel länger.

Mien twete Pann is ok ut Gussiesen, aver de hett Fööt. Dormit kann se op een Elektroplatt oder direkt op de Ceranplatt stohn. De gliekmässige Hitten kann man goot regulieren un deshalv brennt se ok nich mehr so licht an oder warrt to swatt. Disse Pann hett mien Süster ut Schweden mitbrööcht, ik glööv aver man kann se ok hier köpen. Int Internet heff ik funnen, dat de Pann eegentlich ut dat Land HadelnHadeln ist eine historische Landschaft und ein ehemaliger Landkreis mit Sitz in Otterndorf an der unteren niedersächsischen Elbe, im Dreieck zwischen den Mündungen der Elbe und der Weser. Zusammen mit dem Land Wursten und dem gemeinsamen Hinterland bildet es noch heute einen typischen, relativ geschlossenen Kulturraum. Der Name geht auf den altsächsischen Gau Haduloha zurück. (Wikipedia) stammt un weer ut Keramik. Dor stünn ok, dat de Ossenogen in Backoben backt wörrn. Bi mien Rezept langt dat för meist föfftig Stück. Wenn man für söben in Oben twintig Minuten bruukt, denn sind dat 140 Minuten- ik bin no een halv Stünn fardig un heff de Köök wedder schier- bloß den Herd nich, de mutt eerst kolt warrn.

Wenn man den Deeg anröögt hett — dat Rezept schriev ik an’n Enn von de Geschicht op — un dat Gest (Hefe) sien Wark doon hett, warrt de Deeg ümröögt. Is de Pann hitt,  kummt in jedet Lock een Eetlöpel opsmöltet Fett (Biskin). Wenn dat hitt is, kummt so veel Deeg dorin, dat dat halv vull is. Furts fangt dat an to backen. No een Wiel kann man de Ossenogen mit een Tweetinkengobel ümdreihn un de anner Siet warrt backt. Dat se gor sind, markt man ant Gewicht, se föhlt sik licht an, wenn man se mit de Gobel hochnemmt. Op een Stück Kökenpapier lött man se affdruppen un dorno warrt se in Zucker ümdreiht. Dat eerste Ossenoog warrt deelt un nokeken op dat dörchgoort is un glieks so hitt as dat geiht probeert. Hmm dat smeckt!!

De eersten söben sind afbackt un nu geiht dat wedder von vörn los. Von’t Ossenogenbacken dröff man nich weggohn -  bit ton letzten Ossaenoog steihst du an Herd un wenn du meenst , du hest de eersten söben fardig, denn muss di nich wunnern dat dorvon all welk fehlt — weil anner Lüüd se ok so geern eet.

Un nu dat Rezept:

Alles mischen, 125g Butter
schmelzen 1/2 Liter Milch
dazugeben, die geschlagenen
Eiweiße unterziehen und bei
60°C gehen lassen.
500g Mehl
70g Zucker
6 Eier, getrennt
1 Pkt. Trockenhefe
Rosinen Korinthen
Sukkade, Orangeade
Saft und Schale von 1 Zitrone
Zimt und Kardamom