Urknall - jo oder nee

Dor is een Neeschierigen op een feine Idee kommen. He hett sik Gedanken doröver mookt, wie dat mit den Himmel un de Eer för son Physiker utsüht un wat son Paster dorto seggt. He sülven een studeerten Physiker wüß wohl nich, wo he denn stohn schull. För mi is dat eenfacher - ik weet jo nich wat de Gelehrten weet; Mien Heven is hoch, un uns Eer is schöön. Un ik bün dankbor, dat ik leven dröff op dissen Planeten.

Ik vertell ju mol, wie de Physiker un de Preester sik streeden hebbt:

An Anfang weer de Urknall. De bewirk; so meent de Physiker, dat dat Universum mit Steerns un Planeten entstohn is. Intwüschen sind wi in de Forschung so wiet, dat wi nowiesen könnt, dat de verschiedenen Galaxien noch hüüt uteenanner drifften doot.

Dorto de Preester: Dunnerwedder, wat de all rutkriegt. Een Physiker, glööv ik, versöcht allns wat wichtig för de Menschheit is, uteenanner to tüdeln un uns denn to verkloorn, worüm dat so is. Aver se stööt jümmers an jüm ehr Grenzen, se köönt nich mehr verkloorn, as se sülven denken könnt. Dat is jüm ehr Weltbild. Aver - dat gifft ok noch den Gloven. Un de hett ok een Grenz un dat is de Heven. De will glöven, dat sien Heven dor boben existeert, dat dor wat is, wat wi nich verkloorn könnt un ok nich wöllt. Welk sind fast in Gloven, welk sind in Twievel. Von Urknall will he nich so veel weten, de stöört sienen Gloven.

Aver son Physiker is stur. He nemmt den Urknall as Grundloog un meent wieder: Dor hett de leve Gott keen Platz mehr. Allns is mit Physik to verkloorn.

De Preester kümmt nu in Fohrt: Wenn de Physiker mi dat genau bereeken kann un somit ok bewiesen, weer dat een Sensatschon, aver he kann dat nich. De Religion kannst nich physikalisch düden.

Doch, kontert de Physiker. De Urknall liggt an de Grenz von uns Physik. Dat weer son groote Hitten, de bloß mit de Relativitätstheorie nich to verkloorn is, man mutt all de Quantenphysik anwennen. Wohrschienlich weern dat mehrere Quantenvorgänge, de uns Universum mit sien Lebensformen bildt hett. Dor is keen Platz för eenen eenzigen Schöpfer.

Nu wöör de Theologe füünsch: Wat scheert ji ju üm den leven Gott? Ji doot doch allns bloß üm em de Menschen to vergruuln. Blievt wi mol bi ju Logik un froogt, wat weer denn vör den Urknall?

Dorvör? Nix! De Urknall is de Anfang för uns Universum mit Tiet un Ruum. Een Gott müß denn annerwegens existeern in een eegen Universum. Un dat kann man sik nich vörstelln, dat kannst ok nich verkloorn - un wat man nich verkloorn kann, is eenfach unmöglich.

Doch, seggt de Preester. Denn am Anfang weer dat Woort un nich de Knall. Dorvon steiht nix in de Bibel. Gott sä: Es werde Licht un dor wöör dat hell un Dag, un in de Nacht wöör dat düüster. Dat Woort hett de Kraft un dat glöövt de Mensch. So eenfach is dat. Verkloorn bruukst em dat nich, he weet, no de Düsternis warrt dat wedder hell. Gott seggt to uns, wo’t langgeiht, dat sien Ordnung för uns Menschen goot is. Een Deel von de Schöpfung is de Sprook, ohne de een Physiker ok nich leven kann.

Nu meent de Physiker: Loot wi mol den Urknall weg. Dat heet in de Bibel, dat Gott de Menschen mookt hett no sien Affbild. De nee Wetenschop will nu aver den Menschen sülven verkloorn. Evolutschonstheorie nöömt se dat. Un een ganz nee Chaos -Physik bringt se int Speel (wat jümmers dat is). Un bald will se ok de Seel un dat Selbstbewußtsein düden können.

Speelkroom! För mi as Preester is dat een Sook, de fast steiht un eegentlich nich so wichtig is. Veel interessanter is doch: Wo schall no Gottes Willen de Mensch hingohn, wat schall he doon, woto is he överhaupt dor? Sien Opdrag is de Welt to versorgen mit all sien Knööv un för sien Wark intostohn. De Welt is em lehnt, he schall sik nich as Herr opspeeln - ok de Preester nich un genau so wenig de Physiker. Ok de Genies nich as Einstein un sien Mackers.

Dat is so nich richdig. Dat heet von uns Physiker, dat wi allns verkloorn wöllt, dat wi allns beter weet. Dorbi sind groote Physiker oftmols demütige Menschen, weil se inseht, dat se nich allns weten könnt.Se sülven söökt no wat ton fastholn, so as de eenfachen Menschen dat hett in sienen Gloven an Gott. Aver is Gott denn een Lückenbüßer för dat, wat wi noch nich weet? Dat kann doch nich richtig wesen?

Ji Physiker weet mehr as de eenfachen Menschen, aver dat mutt för ju doch keen Extra-Religion geven. Kommt doch mol dol von ju hooges Peerd un stellt juur Fööt mol op de Eer un weest mol, wat ji von Geburt an west sind - eenfache Menschen ohne wenn un aver!

Aver stolt sind wi doch op dat, wat wi all utforscht hebbt. Un doch hebbt wi Sorgen mit unsen Erfolg. Is dat jümmers goot för de Welt? Wi wöllt eegentlich wat Godes för de Menschen doon, wat to sien Nutzen is - ok de Biologen, Chemiker un de Techniker denkt so. Aver grood deswegen müchen wi so geern weten, wat de Welt denn nu in Innersten tosomen höllt, as Faust seggt.

Am Anfang weer dat Woort, heet dat in de Bibel, un denn keem eerst de Idee von den Urknall. As dat Leven op de Eer anfüng, weer de eerste Froog: Adam, wo bist du? un de eerste Mensch anter: Hier bin ik. Antwoort is aver ok Verantwortung un dat is sien Opgoov op de Eer. Loot uns nich mehr strieden — deelt wi uns de Verantwortung — un höödt wi uns Eer, een hebbt wi bloß. Villicht warrt de Physiker un de Preester noch gode Frünnen.

Dat könnt wi uns all wünschen. Aver ik denk jümmers noch an den Urknall trüüch, de för den Physiker jo de Anfang weer von dat Universum. Wer seggt uns denn, ob nich de Herrgott sülven den Rietsticken anreeten hett un somit den Urknall sülven verursookt hett?? --

Urknall - Ja oder nein

Da ist ein Neugieriger auf eine gute Idee gekommen. Er machte sich Gedanken darüber, wie es mit Himmel und Erde für einen Physiker aussieht und was ein Pastor dazu sagt. Er selbst war ein studierter Physiker und wusste wohl nicht, wo er seinen Standpunkt haben sollte. Für mich ist das einfacher - ich weiß ja nicht was die Gelehrten alles wissen. Mein Himmel ist hoch und die Welt ist schön. Und ich bin dankbar, dass ich auf diesem Planeten leben darf.
Ich erzähle nun mal, wie ein Physiker und dein Pastor sich gestritten haben.

Am Anfang war der Urknall. Der bewirkte, so meinte der Physiker, dass das Universum mit Sternen und Planeten entstanden sind. Inzwischen sind wir in der Forschung so weit, dass wir nachweisen können, das die verschiedenen Galaxien heute noch weiter auseinander driften.

Darauf der Pastor: Donnerwetter, was die alles raus finden. Ich glaube, ein Physiker will alles, was wichtig für die Menschheit ist, auseinander nehmen und uns dann erklären, warum das so ist. Aber sie stoßen immer an ihre Grenzen, sie können nie weiter erklären als selber denken können. Das ist ihr Weltbild. Aber - es gibt ja noch den Glauben. Und der hat auch seine Grenzen und das ist der Himmel. Der Mensch will glauben, dass sein Himmel dort oben existiert, das dort etwas ist, was wir nicht erklären können und auch nicht wollen. Einige Menschen sind fest im Glauben, andere sind im Zweifel. Vom Urknall will er nichts wissen, der stört seinen Glauben.

Aber so ein Physiker ist ja stur. Er sieht den Urknall als Grundlage und meint wieder: Da hat der liebe Gott keinen Platz mehr. Alles ist mit Physik zu erklären.

Nun kommt der Pastor in Fahrt: Wenn die Physiker mir genau berechnen können und somit beweisen, wäre das eine Sensation, aber er kann das nicht.
Er kann die Religion nicht physikalisch deuten.

Doch — der Urknall liegt an der Grenze unserer Physik. Das war eine so große Hitze, die nur mit der Relativitätstheorie nicht zu deuten ist, man muss schon die Quantentheorie anwenden. Wahrscheinlich waren es mehrere Quantenvorgänge, die unser Universum mit seinen Lebensformen gebildet haben. Da ist kein Platz für einen einzelnen Schöpfer.

Nun wurde der Pastor böse: Was kümmert ihr euch um den lieben Gott? Ihr macht das doch alles um den Menschen diesen zu vergraulen. Bleibt ihr doch bei eurer Logik und fragt mal, was war denn vor dem Urknall?

Davor? Nichts! Der Urknall war der Anfang für unser Universum mit Zeit und Raum. Ein Gott müsste dann schon woanders existieren in einem eigenen Universum. Und das kann man sich nicht vorstellen, das kann man auch nicht erklären — und was man nicht erklären kann, ist einfach unmöglich.

Doch, sagte der Pastor, denn am Anfang war das Wort und nicht der Knall. Davon steht nichts in der Bibel. Gott sagte: Es werde Licht. und da wurde es hell und Tag, und in der Nacht wurde es dunkel. Das Wort hat die Kraft und das glauben die Menschen. So einfach ist das. Erklären brauchst du ihnen das nicht, sie wissen, nach der Dunkelheit wird es wieder hell. Gott sagt uns, wo der Weg ist, seine Ordnung für uns Menschen ist gut. Ein Teil der Schöpfung ist die Sprache, ohne die auch ein Physiker nicht leben kann.

Nun meinte der Physiker: Lassen wir mal den Urknall weg. Das heißt in der Bibel, dass Gott die Menschen nach seinem Abbild geformt hat. Die neue Wissenschaft will nun aber den Menschen selbst erklären. Evolutionstheorie nennen sie das. Und eine ganz neue Chaos-Physik bringen sie ins Spiel- was immer das sein mag. Und bald will sie auch die Seele und das Selbstbewusstsein deuten können.

Spielkram! Für mich als Pastor ist das eine Sache, die fest steht und eigentlich nicht so wichtig ist. Viel interessanter ist doch: Wo soll nach Gottes Willen der Mensch hingehen, was soll er tun, wozu ist er überhaupt da? Sein Auftrag ist es, die Welt zu versorgen mit all seiner Kraft und für sein Wirken einstehen. Die Welt ist ihm geliehen, er soll sich nicht als Herr aufspielen - auch der Pastor nicht und genau so wenig der Physiker, auch nicht die Genies wie Einstein und seine Kollegen.

Das ist doch so nicht richtig. Das heißt von uns Physikern, dass wir alles erklären wollen, dass wir alles besser wissen. Dabei sind große Physiker oftmals demütige Menschen, weil sie einsehen dass sie nicht alles wissen können. Sie selbst suchen nach etwas zum Festhalten, so etwas wie die einfachen Menschen in ihrem Glauben an Gott. Aber ist Gott denn ein Lückenbüßer für das, was wir nicht wissen? Das kann doch nicht richtig sein.

Ihr Physiker wisst mehr als die einfachen Menschen, aber deshalb muss es doch für euch nicht eine extra Religion geben. Kommt doch mal herunter von eurem hohen Ross und stellt eure eigenen Füße auf die Erde und seid mal, was ihr von Geburt an seid — einfache Menschen ohne wenn und aber.

Aber stolz sind wir doch auf das, was wir erforscht heben. Und doch haben wir Sorgen mit unseren Erfolgen. Ist das immer gut für die Welt? Wir wollen doch etwas Gutes für die Menschen tun, was zu ihren Nutzen ist - auch die Biologen, Chemiker und die Techniker denken so. Aber gerade deswegen möchten wir so gern wissen, was die Welt im Innersten zusammen hält, wie Faust es sagt.

Am Anfang war das Wort heißt es in der Bibel. und dann kam erst die Idee mit dem Urknall. Als das Leben auf der Erde begann, war die erste Frage: Wo bist du, Adam und der erste Mensch antwortete: Hier bin ich. Antwort ist aber auch Verantwortung und das ist seine Aufgabe auf der Erde. Lass uns nicht mehr streiten — teilen wir uns die Verantwortung — und hüten wir unsere Erde, eine haben wir nur. Vielleicht werden wir Physiker und Pastoren doch noch gute Freunde.

Das können wir uns alle wünschen. Aber ich denke immer noch an den Urknall zurück, der für die Physiker der Anfang vom Universum war. Wer sagt uns denn, ob nicht Gott selbst das Streichholz angezündet und damit den Urknall ausgelöst hat?