auf Hochdeutsch

Erinnerungswerkstatt Norderstedt (EWNOR)

  1. De Warksted Norderstedt is keen Vereen. Dor kommt Lüüd tohoop meist sind dat öllere Froons- un Mannslüüd, de Tüüchnis affleggen könnt ut vergangen Tieden. Se kommt freewillig un ut sik sülben un garanteert, dat se blots Soken opschrievt, de se sülben beleevt hebbt un nix, wat jüm todrogen oder vertellt worrn is. Den Leser överloot se, wat de dor rutleest un wat jüm dat wert is.

  2. De Warksted findt man int Internet ünner EWNOR un erinnerungswerkstatt-norderstedt.de.

  3. Dat Dortohöörn is ohne Formalitäten.

  4. Mitmoken kann jeder, un höört dorto, ween he mol wat schreven hett oder sik mit anner Mitmokers dropen deit.

  5. Dropen warrt sik eegentlich jümmers an tweten Dingsdag in Monat Klock tein, wenn nich - worüm ok jümmers - een annern Dag fastleggt worrn is.

  6. Dropen warrt sik int Huus vont Rode Krüüz in Gorstedt an de Ossentoller Stroot 124.

  7. Bi de Dropen warrt:

    1. Informatschonen uttuuscht ,
    2. nee Geschichten vörleest un besnackt
    3. Soken besloten, de för de EWNOR wichtig sind oder sien könnt.
    4. Fiev von de Grupp as Vörstand utwählt oder ok affwählt -
    5. De Mitmokers stimmt aff över Soken, de wichtig sind för EWNOR.

  8. Disse Utwählten höört to de Redaktschon. Een is Webmaster, een hett de Kass un de annern dree sind Redakteure, alle fiev leest de Geschichten un seggt, wat int Internet kommen schall un wat nich.
    Se övernemmt dat Wort un mookt dat Protokoll von dat Dropen affwesselnd not dat ABC. Is een ant Kommen verhinnert, mutt he rechtidig Sorg drägen för een, de dat Amt övernemmt. In de Tiet twüschen twee Dropen mütt se tohoop kommen. wenn dat Wichtiges oder ielige Soken to besluten gifft un loter dorvon vertelln.

  9. De, de dat Wort hett, bestimmt wie de Klöönstünn afflopen schall un seggt jeden, wann he an de Reeg is.